在墨西哥洛斯卡沃斯市舉行嘅亞太經濟合作組織（APEC）會議年會曲終人散，特首董建華同港府官員，重有各國領袖都打道回府。八方捱完幾日，覺得做中國人有番多少面，因為今次主辦單位做得太令人失望，同上年嘅上海年會比較實在遜色。
首先，成個傳媒中心混亂一片，前日係最後一日開放，但全中心嘅電腦已經上唔到網，連空調都冇埋，好似死城一樣。其次，傳媒中心連清水都要收錢，每樽兩蚊美金，買件三文治就要五蚊美金；重有，傳媒自攜嘅流動電話全部唔用得，要喺當地出機，價錢絕對昂貴。
而當地的士收費亦都好厲害，一上車首段要十蚊美金，即係成八十蚊港紙，簡直「㩒住搶」，令人懷念舊年上海嘅日子。
傳真︰2623-9278
電郵︰