中國汽車工業一下子急速增長，令舉世為之矚目，而中國汽車工業路線應該點樣走下去，引發起連串國內外嘅迴響，以下就有幾個重點係值得同大家討論嘅。
1.外商帶來中國嘅係現有的製造技術，以及現有嘅產品，純粹係將一條生產線搬過來；因此，可以想像從目前來看，國內會充斥着現今技術生產所帶來嘅汽車製成品，並將汽車嘅污染帶到中國；呢啲污染包括製作過程產生嘅污染、行車時嘅廢氣排放、以至係廢棄車輛嘅回收問題。汽車製造業無疑會帶來可觀嘅收益，亦可養活整個城市嘅人；但後遺症亦不少，部份西方國家經已廣受其害。
2.汽車能走入百姓之家，並能在國內四圍去，可稱得上係一件樂事；但完善道路網絡建設只局限在大城市，每日塞車情況非常嚴重，其中北京就係一個好例子。
3.汽車行業人才嘅栽培，拿錢到來投資嘅外商，亦會投資響呢方面嗎？而駕駛安全意識、負責任嘅駕駛態度，以至係行人嘅道路安全意識，亦係首要落實培訓嘅工作。
文：陳自齊