亞太經合會議非正式領袖會議曲終人散，噚日各國領袖全部集中在酒店旁邊的海灣，穿着有墨西哥特色嘅民族服裝影一張大合照。八方見到影完相後，各領袖陸續行返入戶內，惟獨特首董建華留低，靜靜咁遙望遠方。
八方覺得好奇怪，於是問佢乜事。特首就話，自己十年前坐郵輪嚟過呢個城市，因此特登喺呢度望望，希望記番上一次到底喺邊個碼頭上岸喎。
講起民族服裝，特首唔經唔覺已着了六款衫（因為出席了六屆亞太經合會議），八方問佢最鍾意邊款？特首今次好醒，只係話件件都咁好。其實八方咁問係真係覺得今年呢件做得麻麻地，令各領袖影出嚟嘅相冇啲英氣。
傳真︰2623-9278
電郵︰