近年奧迪汽車響車迷心目中嘅地位不斷提升，除新車款愈出愈多外，廠方亦正努力為旗下車系推出強化版本，其中喺嚟緊嘅11月，廠方又會推出全新擁有190匹馬力輸出嘅A41.8T型號。
從廠方新聞稿中指出，佢哋將會為旗下A4房車及Avant旅行車型號，所採用嘅一台1.8公升Turbo偈作出調校，馬力輸出增至190ps/5700rpm，而扭力輸出更高達24.5kgm/1950-5500rpm，匹配標準嘅6前手動波箱配搭，以及前輪驅動或Quattro四驅模式，從而令新車有更出色嘅性能表現；其中前輪驅動四門房車型號嘅0至100公里加速度，僅為8.2秒，極速更可高達236km/h㖭。
至於外形及車廂配搭則沒有多大改動，依舊以豪邁形象示人；但A41.8T廠徽嘅T字，將會改以紅色作配襯，以凸顯其高性能嘅身份㗎！