非常益智嘅DiscoveryChannel（探索頻道），喺香港有線電視播出多年，最近又有新突破：下月五日開始，逢禮拜二至五，夜晚九時至十時的節目將以麗音播放。如果觀眾受落，Discovery重會慢慢全部以麗音播放。佢哋位營銷總監王宏輝同八方講，雖然有好多人鍾意原汁原味聽英文，但都有好多人聽唔明，希望聽廣東話。好似佢個女，今年得十歲，聽廣東話當然好啲。
佢又話，前排有個節目有成龍出鏡，雖然唔係講中文，都已經令收視率升四倍，所以唔好話本地化唔緊要。現時，Discovery喺亞太洲以10種不同語言播放，有獨立調查顯示，Discovery個品牌已經超越麥當勞，排名第七，聽講重係全球傳媒品牌嘅numberone㖭。
傳真︰2623-9278
電郵︰