八方噚晚走咗去洲際酒店參加工商業聯會嘅就職禮，原來個活動應該喺九一一舉行，點知因風改期，不過，無論吹乜風都吹唔走班嚟拉票、有意參選人大代表嘅有心人。
民建聯嘅楊耀宗坦白話想連任；至於中聯辦王如登梗係穩佔一席，唔使點選。而另一個俾人叫票王嘅原來係飛哥，李鵬飛噚晚四萬咁口嚟到會場，重話已經攞到政協委員蔣麗芸神聖一票，一聽到有票，招商局嘅袁武同浸大校長吳清輝都唔執輸，逐個同蔣小姐密斟。八方問呢位女強人究竟會畀票邊個，蔣小姐細細聲話，一定選立法會主席范太，其次係飛哥，但候選人名單一日未出，都好難講得清楚投邊個一票，當然，要選三十六個名都唔容易。
﹙圖﹚飛哥（左）、袁武（右）和吳清輝（右二）有意選人大，對蔣麗芸（左二）一票十分着緊。 韋志滿攝
傳真︰2623-9278
電郵︰