Erhan來自意大利，逗留香港大約有三年左右，可以來港工作都是透過現在的老闆Antonio所介紹。他們早已在意大利時認識，同在一間專做意大利餅的店舖內工作，學識整得一道正宗的Pizza已有逾十年經驗，今次西貢再開分店，又係時間show吓quali！
記者：陳冰麗
攝影：黃子偉
1.壓：將發酵過的麵糰以人手壓扁，再利用腕力將麵糰推開成薄薄的餅皮。
2.拋：薄餅是否夠鬆軟，食落不會太硬或過實，亦要靠拋高餅皮的動作。
3.轉：皮愈轉就愈薄，薄的話，焗熟亦更脆口。
一般見到的薄餅都是扁平Size，一下子變了一個像這個加大了碼的油角，其實就是Calzone，睇見裏面餡料漏晒出嚟確實吸引。
在Margherita餅底上加上白菌、火腿、德國腸、朝鮮薊菜，中間則放一隻鮮雞蛋一齊焗，入口香脆，餡料十足，較少地方可以品嘗到。
未傾薪金
講起現在的老闆Antonio，Erhan致以萬二分感激，全賴他才有機會到香港工作。
一次Antonio向他講話要到香港做生意，希望與他一齊過去，他即時反應就是好開心，並毫不考慮就即刻答應，當時只想到難得有機會出外闖，根本就未有考慮薪金及待遇，因為他相信Antonio是一位不會待薄員工的好上司。Antonio見他如此爽快答應，還反問他需要時間考慮嗎？Erhan就跟老闆講：「你肯帶埋我去，即係表示你對我工作表現嘅肯定，有你嘅欣賞，我重考慮啲乜？」就是這樣，他就隨老闆來港，誓要闖一番事業才回故鄉意大利。
由人至機械
Erhan是由中環半山舊舖調過來，這邊的用具包括焗爐及用料跟舊舖一樣，全部都由意大利入口，特別之處是石面底而非鐵面底，好處是可以令薄餅底出現焦脆，食落更香脆，而且無咁肥膩，鐵面底絕對做唔到呢種效果，其中的油角Pizza更是該店招牌，加上薄餅全部係handmade，暫時只做標準13吋size，每日限量做100-150個，為保持質素，每日都是賣完即止。
突然發現
對香港這個陌生地方，Erhan一點也不覺陌生，因為他相信自己的實力。拍攝期間，Erhan突然問：「唔記得問你哋食咗晏未？要唔要飲嘢？」字正腔圓，小記也被他嚇了一跳。原來短短的三年左右，Erhan還努力學習廣東話，現在略可以講得兩嘴，還不錯，幸好沒有說他壞話，不然……
PizzeriaItalia
電話：25252229
地址：西貢公路72號
付款方法：只收現金
營業時間：星期一至五（4:00pm-11:00pm）、星期六、日及公眾假期（12:00nn-11:00pm）