最近天氣開始轉涼，難怪上星期的衞衣開倉首日已迫爆場，拍攝當日，記者甫出Lift已見不少人大袋小袋的滿載而歸，開倉現場更是插針不入，雖然如此，幾經艱辛下還是搵來兩位客人，睇睇佢哋有咩收穫？
記者：黃婉冰
攝影：黃子偉
開倉首日由早上十點多開始到晚上七點多，人流不絕，負責人亞Mike話Champion衞衣一日就賣咗五百幾六百件，大Logo款就最多人掃。
胡小姐：睇完報紙自己買又幫同事買
「我今日睇完報紙，咪跟番報紙嚟買，我要幫同事搵報紙登呢件紅色衞衣，我自己就再睇睇有咩嘢心水正貨。」
謝先生：一日嚟兩次
「我今朝已經嚟過一次，今次行咗半個鐘，買咗兩件格仔恤衫同一條褲，一共三百蚊，價錢OK。」
排長龍等畀錢
這邊廂人人落力咁摷，那邊廂出現人龍等畀錢，兩個職員真係收錢都收到手軟！
店名：潮流易賣區
電話：26270883
地址：紅磡民樂街富高工業中心B座3樓28室