澳洲性感女歌手KylieMinogue嘅二○○三年月曆，未出嗰陣已經喺英國引嚟廣泛話題，我大口羅拉最近終於將呢本月曆攞到手！
前日喺英國「全國音樂頒獎禮」攞咗國際歌手大獎嘅Kylie，一知道自己着住內衣拍嘅廣告相大受歡迎之後，就另闢財路，將佢哋印製成二○○三年月曆，早排我喺外國嘅網頁度見到其中幾款造型，都覺得Kylie好鬼惹火，不過原來月曆入面唔單只見到佢着胸圍底褲，Kylie重黐住條柱扮「柱女」同騎雪條，又同啲大隻猛男鬥性感，真係好掂！相信Kylie啲fans日日對住一定會覺得好醒神。
最令人興奮嘅係，呢本月曆索價只係六十幾蚊港紙，就算買唔到Kylie着過嘅胸圍同底褲，男fans齋睇佢嘅索相都會心跳加速！