萬聖節重有幾日至到，不過啲嘩鬼就已經四周出嚟嚇人！噚日多間大型商場搞萬聖節活動，其中喺山頂廣場，就安排咗啲「唔想做人嘅市民」上台，跟住俾人蒙住佢哋對眼，任由專人同佢哋「化個鬼樣」，化完裝走去嚇人，搞搞氣氛咁啦！萬聖節當然唔少得南瓜，山頂廣場就擺咗個南瓜面具，畀小朋友玩吓。場內又有女巫搞搞震，又有人派糖，提早迎接萬聖節！
喺銅鑼灣時代廣場，就上演咗一套以南瓜為題嘅舞台劇，吸引咗唔少大人細路嚟睇；而海運大廈又係鬼影鬼聲，因為商場內嘅玩具反斗城搞咗個扮鬼大賽，同場重加插BB爬行比賽，真係四圍都鬼咁熱鬧！
陳亮華攝
傳真︰2623-9278
電郵︰