早前楊其龍出席活動時與張栢芝同場，即傳出他明𠝹栢芝。前晚楊其龍出席种星堂五周年派對時強烈否認他𠝹栢芝，又表示與意大利籍女友感情未變，還自嘲說：「一句到尾，栢芝咁靚女，使乜鍾意我呀？」
鄒世龍旗下的模特兒公司种星堂前晚在金鐘香港公園L16餐廳，舉行五周年派對，歷年來由种星堂一手捧紅的藝人和模特兒均有出席，濟濟一堂，場面熱鬧。
楊其龍前晚負責派對的音樂，問到早前有報道指他在自己公關公司搞的活動上向張栢芝大獻殷勤，又問對方拿手提電話號碼，似明𠝹栢芝。前晚楊其龍說：「我都解釋過啦，都話冇可能囉。嗰晚我公司搞活動，我梗係要招呼嘉賓，我又唔係淨係招呼佢一個。」問楊其龍會否為避嫌，以後不邀請張栢芝出席他公司的活動？他說：「咁梗係唔會啦，佢肯嚟嘅話我無任歡迎呀。」
楊其龍續說：「大家唔好亂諗，我重係同意大利女朋友一齊，不過我冇打電話畀佢報定案話有呢單新聞，因為我覺得冇呢個必要。」最後他更自嘲說：「一句到尾，栢芝咁靚女，使乜鍾意我呀？」
另外，由种星堂一手捧紅的MaggieQ前晚表現興奮，她大賣口乖說：「未嚟香港之前，我好似個BB咁，乜都唔識，有今日嘅成績，都係种星堂帶畀我嘅。我喺香港遇到我初戀情人吳彥祖（Daniel）㖭，Daniel真係一個好好同好真嘅人，我衷心希望佢搵到個好女仔，因為係好女仔先襯得起佢。」
前晚吳彥祖的緋聞女友LisaS.亦有到場，問MaggieQ會否覺得尷尬？她說：「我同佢唔熟，nocomment呀。」其他出席藝人包括李彩樺、余文樂、陳文媛和李蘢怡等。