陳奕迅（Eason）前晚舉行音樂會時，大爆好友謝霆鋒重獲自由後一直留在家中打機，Eason原來亦玩過諷刺霆鋒「頂包案」的電腦遊戲，但他沒有把該遊戲傳給霆鋒試玩。
謝霆鋒早前因串謀妨礙司法公正罪成，遭判社會服務令二百四十小時後，被律政司司長要求覆核刑期。自判刑後，霆鋒連日深居簡出，其好友陳奕迅前晚在灣仔會展舉行「新城唱好eason&Girlfriends音樂會」，大爆霆鋒近日都是留在家中打機。
Eason表示自霆鋒重獲自由後曾跟他見過一面，Eason說：「我都見過佢，知佢都係留喺屋企打機。我哋一向以嚟好少傾偈，一個眼神都好了解。霆鋒瘦咗，不過重好有型。」
早前霆鋒的「頂包案」，有人設計了一個頂麫包的網上遊戲，Eason對此說：「我近日都收到歌迷e-mail咗呢個遊戲畀我，我有試玩，頂住個包十幾秒。」有傳王菲曾往探望霆鋒，Eason說：「咁犀利？我只係見過霆鋒同佢個工人。」
問Eason會否把這個頂包遊戲電郵給霆鋒試玩？他說：「霆鋒係電腦白癡，我send畀佢都冇用，我冇同佢講有呢個遊戲，不過唔係怕佢唔開心。」
至於Eason前晚的小型音樂會，邀請了好友葉蒨文、盧巧音和何韻詩做嘉賓，何韻詩和盧巧音都不約而同以性感打扮出現。Eason落力演出至渾身濕透，而女友徐濠縈、父親陳裘大、梁漢文、吳國敬和陳小春緋聞女友王敏慧等都有捧場。而Eason為悼念羅文，前晚在開騷前特別獻唱了羅文的經典歌曲《幾許風雨》。
採訪：王連連 攝影：何國豪