尊子（圖）早前去澳門參加漫畫展，作品勁寸《基本法》二十三條，結果只展出咗一日，主辦單位就拉閘，唔再展出尊子嘅大作。話說展場「婆仔屋」，分開一間間不同嘅房間，其中展示尊子作品間房被封，寫住暫停開放。雖然其他作者冇受影響，但香港參展者五馬六、本地小子及紀鏞，都紛紛撤走作品以示抗議。
咁到底尊子嘅作品有乜嘢咁犯禁？原來佢用二十三條膠製陽具，砌成一個張開嘅血盆大口，象徵《基本法》二十三條。尊子話咁係將漫畫立體化。主辦單位表面上指呢個屬於裝置藝術，不屬漫畫作品，私底下有人承認受到非正式嘅壓力。對於被封，尊子嘅反應係「失望、沉重」，慨歎藝術團體接受政府資助，要乖乖哋先得，又擔心香港嘅藝團，都會面臨類似問題。
傳真︰2623-9278
電郵︰