《蘋果》改版，老編話唔好再講市況，不如同讀者研究點樣炒滙，睇吓可唔可以喺經濟低迷時期替讀者搵番些少外快幫補下。恭敬不如從命！但必須在此聲明，滙市風高浪急，千祈唔好期望可以鋪鋪贏，更加唔可以日日做盤，有經驗嘅炒友對此自然心領神會。
另一方面，萬變不離其宗，要作出投資建議，當然唔可以亂噏一通，必須有根有據，若果技術因素配合基本因素雙劍合璧，更加可以增加勝算。
閒話表過，今日頭炮係日本紙。正如上周講市況時提過，日本清除壞帳陷於兩難，大刀闊斧改革雖長期有助經濟復甦，但短期陣痛難免，而且日本內需疲弱，暫時仍然要依靠出口支持經濟。以上周高位123.60為基礎，今日可以喺124邊試沽日圓，希望在禮拜三前可見125.20目標，毋須博處理壞帳報告內容出爐，升破上周高位就止蝕，用60點博120點子。
今日好介紹：124沽日圓
目標：125.20 止蝕位：123.40
滙中龍