前任政務司司長陳方安生退休後好似重係好忙碌，前排先至去完美國出席研討會，八方噚日又見佢老人家去商台接受訪問，但今次唔係講二十三條，而係講教育。
呢個節目係由地鐵物業管理同聯合國兒童基金會合辦嘅「地鐵商場好學生同學會」獎勵計劃活動之一，旨在呼籲市民提名好學生入選上述計劃。
陳太除分享佢嘅教育下一代心得，重不時表露其「四萬」笑容，同埋表明對香港未來充滿信心。八方收到料，陳太喺十一月七日晚上亦會出席瑪利諾女校嘅家長晚會，講講如何才是「廿一世紀的父母」，可惜因為該活動係學校家長才可出席，大家冇辦法親身聽到陳太嘅獨到見解。
（圖）陳太接受訪問時，不時展露招牌「四萬」笑容，似乎對香港未來的確充滿信心。
傳真︰2623-9278
電郵︰