有樓收租未必是好事，香港業主會會長佘慶雲表示，該會近年接獲業主受職業租客滋擾的個案有增加趨勢，「以前三個投訴個案先有一個係俾職業租客玩，𠵱家每兩個業主投訴就有一個係遇到職業租客。」
佘慶雲指出，現行租務條例對業主不公平，往往被職業租客利用來拖欠租金或霸佔單位。職業租客通常會用空頭支票支付租金上期和按金，又會以有限公司名義租樓避免欠租責任「上身」。
若遇上業主告上法庭，職業租客更會在單位內大搞破壞，譬如在牆壁塗上屎尿，「不少業主原本無打算將層樓租出，但經濟唔好，自己都失業，咪租個單位出去。佢哋間屋啲裝修用到最好，但係到收樓嘅時候，成層樓都爛晒，收唔到租，重吓吓要畀幾萬蚊去執番層樓，好傷㗎！」