陳曉東前晚大談舊愛張栢芝，指她很懂得為自己尋開心。但東東再三強調不希望傳媒用「舊愛」的字眼來形容他，並宣布自己是自由個體，現在感情生活一片空白。
李克勤前晚在無綫電視城為《超級紅人館》錄影，請來陳曉東做嘉賓，東東雖然聲聲表示不再把舊愛張栢芝掛在唇邊，可是他最終也是講個不停。
東東早前往中環蘭桂坊消遣時，和他同場還有舊愛栢芝，有報道指栢芝當日走光，東東說：「唔講，我費事代人講嘢。」問東東可覺栢芝比以前開心？他說：「佢好叻，好識happy。娛樂圈嘅新聞無謂追查咁多。不過我想講一樣嘢，大家唔好再用一嚿一嚿（指舊愛）嘢嚟形容我，我𠵱家宣布我係自由個體，其實當晚裏面重有好多朋友。」
對於經常被形容是栢芝的舊愛，東東說：「講到舊晒咁，我𠵱家不知幾新鮮。」再問東東日後可會再到蘭桂坊耍樂？他說：「好多人需要蒲嘅，但我就要睇自己心情。」東東自稱現在的感情生活一片空白，他說：「我未有拖拍，自己尋找快樂，最緊要識得調節自己。」而稍後東東將到台灣跟徐熙媛（大S）和宣萱拍攝《倩女幽魂》電視劇。
此外，李克勤前晚跟東東合唱周杰倫的歌曲《黑色幽默》時，他竟連吃三次NG，克勤事後解釋說：「因為我唔熟首歌，準備唔足，而且剛才錄影時現場太大煙，我睇唔清楚張『貓紙』。」李克勤又表示將會出席羅文的喪禮，他說：「我都會參加《羅文好歌獻給你》嘅演出，我會唱佢嘅《紅棉》。」
採訪：卓寶花
攝影：何國豪