極少一齊公開露面嘅財爺梁錦松同伏明霞兩公婆，噚日忽然雙雙亮相跑馬地馬場。佢兩個睇嚟心情唔錯，頭場更有講有笑走到馬匹亮相圈睇馬。小伏雖然一身深色衣着，重攞住條大披肩，但都掩蓋唔到佢腹大便便嘅身形。一向下巴尖尖、瓜子口面嘅小伏，面容同手臂明顯肥咗，差啲連雙下巴都出埋嚟，不過行動尚算靈活。
小伏噚日唔知係咪為配合入馬場，特登紮一條高聳「馬尾」，非常盞鬼。後來佢兩個俾在場記者發覺舉機影相時，即急急腳離開馬匹亮相圈，返去馬主廂房，到第五場完結先走。據知，佢兩口子今次造訪馬場，係應馬會董事邀請作嘉賓。
（圖）黑衣、大披肩同黑超都難掩小伏嘅懷孕發福樣，惟有靠阿松挺身護住嬌妻。
傳真︰2623-9278
電郵︰