前晚民協十六周年慶祝晚會，政制事務局局長林瑞麟同房屋署副署長鄔滿海齊齊畀面馮檢基，到賀兼坐足成晚。房屋問題一向係民協嘅主打，鄔滿海會到一啲都唔奇，但林局長同阿基有乜嘢交情？林局長話原來佢曾經都做過房屋署，當年同基哥交過好多次手，學到唔少嘢。
既然係老友，出吓力籌款唔少得。林瑞麟即場揀咗首英文金曲《FlyMetotheMoon》，上到台重自稱係「第一次下海」，呢個第一次就咁獻咗畀阿基，都算唔話得。
八方覺得林局長面對台下成千觀眾，雖然有少少怯場，都盡力展示台風，一手插袋一手執咪，歌喉唔錯。林局長可能怕籌款數字失威，唱歌之前重屈咗名嘴黃毓民五千墊底，數口夠晒精。
傳真︰2623-9278
電郵︰