阿松同馬仔兩兄弟噚日齊齊亮相，但係講嘢都好小心，乜都話要諮詢諮詢，要聽意見。有人問佢點睇田少嘅高見，即係如果政府減咁多，班商家就加一個百分點嘅稅。阿松真係有啲㷫，話你估私人機構任你開價？𠵱家係同政府對話，香港係個民主社會，你話乜就乜，咁就發達喇。
講到尾，阿松都只有向八方認命，生不逢時！經濟差，做財爺梗係唔易啦。不過，佢仍然牙擦擦話自己最有遠見，舊年已經話香港有嚴重財赤嘅危機，唔信，可以叫新聞秘書譚志源查一查啲記錄，當時人人都話佢「狼來了」嚇人，𠵱家至知佢堅。八方就覺得阿松可能係先知，不過就冇乜嘢橋可以防患於未然。至於馬仔呢，今次就識得笑，有阿松傍住，係定檔啲。
傳真︰2623-9278
電郵︰