近期有消息指羅文（籮記）的家人正為籮記的喪禮費用與各方好友協商，而籮記前助手Terry接受電台訪問時表示，不希望其他人借籮記而沽名釣譽。至於曾經捐過一百萬善款支持羅文的劉鑾雄（大劉），則稱有人假仁假義，表面做善事，實質是做生意和博宣傳。
羅文上周五因為肝癌病逝，他的家人正為羅文的身後事奔波，近日有消息指羅文的家人正就喪禮的費用與各方好友商討，昨日下午Terry在羅文跑馬地故居外對此說：「我係唔會回答你呢個問題嘅！」而羅文的兩位姊妹，則對記者的提問充耳不聞。
不過Terry昨日接受商台主持查小欣的訪問時卻露了口風，他說：「我希望傳媒唔好再寫籮記嘅喪禮用咗幾多錢，因為有好多朋友都有出錢出力，佢個喪禮係無價嘅！總之，我哋一定會幫籮記風光大葬。希望有啲人唔好利用籮記嘅名，去沽名釣譽！」
去年五月羅文帶病亮相《萬眾同心公益金》活動時，富豪劉鑾雄曾經捐出一百萬善款支持羅文，昨日記者致電大劉，他表示和羅文不算太熟，但亦見過幾次面。
問大劉可有聽過羅文的家人正為了喪事的費用和朋友商討，他說：「外面啲傳聞我不予置評，但係如果我向公眾講咗話會搞掂嘅話，我就一定會全部負責到底，就算要去借都借番嚟！如果係夾份，就講到明係夾份，唔會出兩蚊就認頭牌，尾數就叫人哋找。」
大劉續道：「不過全香港都知道某商人最叻就係練縮骨神功，上身飛撲，下盤就畀石屎lock住咗，上半身好有姿勢，下半身就好實際。做生意就希望少少投資、多多回報，甚至零投資都有回報，但係有人表面就做善事，實際就當做生意，面子同宣傳就攞到盡，好過出錢賣廣告！錢就畀少少，在公眾面前就扮代表，正一假仁假義。」
大劉又說：「如果我下世投胎做咗卑鄙小人，俾人揭穿咗嘅話，都會速速磅唔會兩頭望。如果我講咗啲嘢令到有人怕面懵而要找咗條尾數嘅話，咁就真係要同佢講聲對唔住啦！不過呢個人喺呢方面功力比我深厚億倍，一定可以克服呢個問題，只會出少少唔找全數。」
其實早前一直有消息指羅文所屬的唱片公司英皇老闆楊受成會全權負責羅文的身後事，英皇行政總裁吳雨，昨日就喪禮費用一事回應說：「成個喪禮費用都係由楊生（楊受成）支付，帛金會畀番羅文家人。大家已經好盡心盡力做個喪禮㗎啦。」
問到有報道指楊受成因與StarEast有前嫌，故不讓曾志偉、陳百祥及譚詠麟加入治喪委員會及扶靈名單，對此吳雨說：「楊生從來冇參與任何意見，治喪委員會名單係由一大班人商議出嚟嘅，扶靈名單係由二十幾個成員選出嚟嘅，佢哋都可以作證。」而楊受成昨日出席九龍香格里拉舉行的元綠壽司宣傳活動時，則表示吳雨已代表他作出回應，自己不會再回應。
採訪：胡比、朱芷瑩
攝影：卓美娟