十一月尾係XBOX行貨正式登陸嘅大日子，前日（星期四）亦終於正式公布行貨詳情，11月22日推出市面，售價亦比當初擬定嘅$1,680為低，連一個香港版手掣只賣$1,599，可謂全亞洲賣得最平，以處理速度、內置硬碟及網絡功能嘅機種嚟講，的確幾抵買，以後XBOX在港是龍是鳳真係要睇軟件陣容夠唔夠吸引。講開網絡，眾人期待嘅XBOXLIVE網絡計劃雖未確實幾時在港展開，不過目前可以透露嘅，係港版XBOX除中文化操作介面外，亦已預裝中文版XBOXLIVE介面，包括登錄戶口、連線等操作，呢樣亦足以證明距離XBOXLIVE在港推行日子不遠，相信代理洲立互動媒體嚟緊會有好多搞作。
記者：徐影龍