女士們用盡辦法瘦身，減一、兩吋已經非常雀躍；政府要瘦身，每個部門自然要諗計配合，為咗要每年減少百分之一點八嘅支出，消費者委員會總幹事陳黃穗原來都好頭痛，最近佢哋成功減到郵費支出，陳太就好似減肥成功咁開心。
陳太話，消委會嘅《選擇月刊》每期銷量三萬幾本，其中近半屬於郵購，郵費未加價前，消委會要每本畀郵費兩蚊七毫，加價之後就每本三蚊三毫，多咗兩成幾，消委會覺得好肉痛。郵政署話消委會如果將要寄嘅月刊按地區分得仔細啲，等郵差可以沿本身派信路線順便派埋月刊，咁就有得傾，消委會於是跟住做，加埋「大批郵件」嘅優惠，每本《選擇月刊》嘅郵費減到二蚊四毫，重平過之前。陳太話咪睇少呢幾毫子，每個月慳番萬幾銀，都咪話唔襟計。
傳真︰2623-9278
電郵︰