噚晚民協十六周年會慶，喺海洋皇宮大酒樓擺咗八十八圍，政制事務局局長林瑞麟、立法會議員李永達、陳國強、名嘴黃毓民等都畀面捧場，重有各區區議員及街坊；民協主席馮檢基當然好開心啦。
晚會有表演項目，原來都係為民協籌款，籌到二千元就可上台。開席前阿基講明，如果大家掏腰包支持，佢籌到一萬以上，就會上台獻唱《一點燭光》，因為呢首歌好配合民協為弱勢社群做嘅工作。八方多口問句，阿基會唔會唱「歌聖」羅文嘅名曲，原來阿基都有諗過，佢自己就最想唱小鳳姐嘅《順流逆流》，簡直係道盡民協呢十六年嘅酸甜苦辣，不過難度太高，阿基自謙唔係專業歌星，驚上台會走音出醜，所以都係放棄咗。
（圖右）馮檢基在民協周年晚宴上滿場飛。
傳真︰2623-9278
電郵︰