「早兩日先去見過一份保安員嘅工，有好多二十幾歲嘅後生仔都去見，我年紀大好難同佢哋爭；不過試過有啲僱主又嫌我後生得滯，想請啲五、六十歲嘅看更，真係冇晒符。」四十歲的魏先生說。
原職保安員的魏先生，年多前加入失業大軍行列，雖已積極搵工，奈何人到中年，沒有學歷，空有多年工作經驗，始終無法在此經濟低潮扭轉厄運。隨着家庭經濟崩潰，夫妻感情亦同時出現問題，妻子離家出走，承受雙重打擊的他，還要肩負養育兩名分別十二及十四歲兒子的責任，壓力令他透不過氣來。
「我捱到今日都冇諗過去申請綜援，始終希望靠自己搵飯食，𠵱家暫時由親友接濟，但佢都唔幫得我幾多。」魏先生歎道。
家庭經濟處於嚴冬期，開支一律都要削減，就讀中二的長子阿鋒渴望擁有電腦，方便學習的基本需要，亦變成遙不可及的「奢望」。本報早前報道阿鋒的願望後，蘋果日報慈善基金瞬即收到善款一萬五千元，已交魏先生簽收。
「我過幾日會同個仔去揀一部平平哋嘅電腦，我知佢恨咗好耐，成日問我幾時有電腦用；另外，如果有需要，都會買多部電子辭典畀佢兩兄弟用。真係好多謝咁多位善長。」魏先生說。
捐款編號：C0682
暖流熱線
電話：29908688
傳真：23702192
電郵：
網址：