羅文生前桃李滿門，徒弟之一的周海媚前晚在天后為電影《三十五米厘兇心人》開工時，對羅文逝世惋惜不已，她說：「籮記幾錫我㗎，以前我好懶，成日搽潤唇膏就算，籮記話女仔咁唔得㗎，要搽有色至靚㗎。」
而愛徒鄭伊健下周一和周二出席羅文喪禮，將悉心打扮以表尊重，其經理人林珊珊昨日在電話中說：「伊健準備咗兩套新衫出席，係佢之前買落嘅黑色套裝嚟。另外，我幫伊健喺Joyce同I.T買咗兩條黑色領呔，因為佢實在忙到冇時間買。」至於容祖兒，據知她會在家中搜尋一套全黑西裝出席喪禮。
此外，以前曾跟羅文學唱歌的林家棟，昨日他在清水灣說：「籮記好肯教人，以前佢教我打坐運氣唱歌，又教我用羅漢果沖水潤喉，佢係好難得嘅前輩。」
採訪、攝影：朱芷瑩、戴彩煥