陳日君主教曾話自己每日向天主祈禱，希望上主賜董建華智慧，豈料天主真係賜咗位釋智慧大師畀阿董，重附送「封山」，搞到房屋及規劃地政局局長孫明揚噚日坐直升機入大嶼山。
一位前政務官睇到，同八方感歎話，咁嘅事八十年代一定唔會發生，各區政務專員會擺平地方上嘅利益紛爭，絕不會任由事件愈弄愈僵。
八方都奇怪，今次唔見民政常秘出面救火；民政方面話，事件同宗教無關，所以只搵咗鄉村事務顧問呂孝端，陪孫公出征，何志平冇親自出馬。
不過，話說回來，身兼港區人大嘅釋智慧大師並非普通和尚，不但曾挺董有功，同國家領導人江主席都有偈傾，阿董再唔識做，迫到大師要上京告御狀就大件事。
（圖）江澤民見到釋智慧都要合十行禮。資料圖片
傳真︰2623-9278
電郵︰