「呢幾日真係轉到我頭都暈，日日去醫院，噚日陪阿金去做物理治療，自己就要睇骨科，過兩日又輪到睇婦科，好彩呢排個女喺我身邊幫輕吓，如果佢唔喺度，我都唔知點算。」蔡婆婆幽幽地說。
身世坎坷的蔡婆婆，早年偕夫來港，惟誕下幼子後，夫妻感情有變，丈夫捨他們而去。為了養育阿金及鄉間的子女，蔡婆婆多年來營營役役，曾從事過不少工作，晚年得來一身病痛。由於幼子阿金患有腦癌兼智障，為了照顧他，年過六旬的蔡婆婆多年來耗盡心血，以致身體每下愈況。
「淨係記日子去覆診都有排記，肩周炎、骨退化、膽石、子宮下垂，幾十百種病，真係頭都痛。」百病纏身的她，早前更因為摔倒引致行動不便，被迫申請居於內地的長女阿潔來港照料。
現時母子雖有親人照顧，生活稍為安定，但阿潔來港後驟增的開支，卻令依靠綜援金生活的蔡婆婆雪上加霜。蘋果日報慈善基金月前曾撥款五千元紓解蔡婆婆的困境，另亦安排母子二人裝設一部平安鐘，以備不時之需。日前，記者另將合共二萬八千九百八十元的讀者捐款轉交她收妥。
對於善長的關懷，蔡婆婆盡露感激之情。「真係冇諗過會有咁多人捐錢畀我，呢筆錢可以幫輕我好多，至少唔使咁擔心阿潔嘅生活費，多謝晒你哋。」
捐款編號：C0684
暖流熱線
電話：29908688
傳真：23702192
電郵：
網址：