一到萬聖節，不少人都會費盡心思化身「鬼怪」來慶祝一番，在美國長大的安雅亦不例外。不過今年的萬聖節，安雅會在台灣工作中度過，她更因吸取上次勒戒的教訓，不會在夜店流連。
自小在美國長大、鬼妹仔性格的安雅，一向鍾情萬聖節，她最喜歡在當晚扮鬼扮馬進行搗蛋活動。不過今年的萬聖節，安雅已出發到台灣拍攝電視劇，故她下周四的萬聖節亦將於台灣度過。
熱愛蒲吧的安雅會否吸取上次勒戒的教訓，不再踏足台灣的酒吧慶祝萬聖節？她說：「今次去台灣我只會專心工作，就連呢個萬聖節都要開工，而我都要為寫真作好準備，希望可以Keep弗自己，我想都唔會去呢啲地方，今年唔會出去玩，會專心做嘢。」
安雅回想起多年前於美國歡度萬聖節的搗蛋時刻，對鬼節可謂又愛又恨。雖然小時她曾被戲弄，但長大後她卻以牙還牙，將傳統的「不給糖就搗蛋」遊戲來對付小朋友，她笑說：「喺美國過嘅萬聖節都好開心、好好玩，當時只得十幾歲，我哋一班朋友會分成幾隊四出到人哋屋企敲門攞糖食。記得有一次問人攞糖時，佢重攞住雞蛋掟我哋，𠵱家大個咗，就梗係攞雞蛋掟番人啦！我哋重會去一啲我哋唔鍾意嘅人屋企搗亂，將紙屑周圍飛。」
當談到最難忘的一個萬聖節時，安雅卻一臉正經地說：「記得當時有一個好古怪嘅人住喺我哋美國屋企附近，我哋好貪玩，猜拳輸咗嗰個就要去佢屋企攞糖食，都幾驚㗎。」
採訪：羅慧敏
攝影：何國豪
化妝：Stephine、Mini、小白
髮型：Boffy（ChinG）
服裝提供：SistyrMoon
場地提供：CAFEdesArtistes（蘭桂坊）