同水貨大亨袁人祥食飯，講起水貨新財路，袁人祥話呢期仍靠關刀。原來剛剛的禮拜六，日本出咗對hTm關刀「蹺孖華」，用高級油皮料，遠睇重以為係法蘭西Hermes，千五對眨吓眼就被掃清，日本仔一次過輕易做過百萬港紙生意，傳統生意佬聽到都流口水。
袁人祥：「如果有計番多幾對，賺埋肯定輕易夠交租，有剩重可畀埋水電，難怪大家打崩頭爭搶貨。遲吓重有對hTm『科時』同『登』，如果到時啲人買唔到『科時』同『登』，呢對『蹺孖華』肯定又升高兩三個價位，所以唔使咁急走貨住。呢個月做水貨，好彩嘅隨時一個月賺埋夠一年。」
根據袁人祥資料，上個禮拜除咗關刀外，緊接就出第二代大頭馬騮積木公仔，「香港原宿水貨業聯盟」又係爭住搶。雖然第一代有輕微跌價，但大家仍勇猛地以二千幾蚊一盒掃清光，彷彿水貨巿好過股市。
老實講，根據傳統，零售業十月都非常難捱，因為剛剛開始收稅單季節，大家使錢心情難免受影響。但今個月適逢日本仔猛咁出貨，終於打救香港水貨業聯盟，睇嚟極有機會度過一個快樂的聖誕。
主持人：大食Jack
八卦熱報：