梁錦松今日去立法會講財赤，其實對公共財政有認識的人，睇見政府成日「船頭驚鬼、船尾驚賊」，無不搖頭歎息。前日八方見到李家祥，一講起財赤，佢都擰晒頭，話真係唔知政府想點！
李家祥話政府又要救失業，又要削開支，現實係只可以做一樣，但𠵱家政府內部都唔知想做邊樣，好似阿松呢頭話削基建，嗰頭已經有局長唔肯郁，你說怎麼辦？
八方同班政務官傾開，佢哋話𠵱家個個局長咁高咁大，直接向老董負責，再唔係以前財爺話晒事嘅年代。最慘係老闆出名「議而不決、決而不行」，要佢決定先救失業定減財赤，出年都未必諗得掂！
傳真︰2623-9278
電郵︰