中國司法部最近批咗三十七間港澳律師事務所喺內地開代表辦事處，佢哋大部份都係駐廣州同深圳呢啲大城市，但原來都有人響應開發大西北嘅號召，深入四川成都，呢個就係鄭慕智（圖）。
八方知道，鄭慕智任Principal嘅胡百全律師事務所已經定咗下個月二十二日，乘專業峯會之便，為佢哋成都間律師樓搞個大Show慶祝開業，由律政司司長梁愛詩做主禮嘉賓。鄭慕智因此廣邀友好去成都玩幾日，有三日同四日團畀大家揀，真係服侍周到。
除咗參加開幕禮外，重會去睇吓卧龍熊貓保護區，又可以參加在當地舉行之「中港專業投資高峯會」。呢個會認真巴閉，請到高官梁寶榮、溫頌安、黃繼兒，行會成員廖長城及北京司法部領導等猛人出席，當然唔少得梁愛詩，律師會會長葉成慶亦親自出馬坐陣，肯定係行內盛事。
傳真︰2623-9278
電郵︰