𠵱家除咗興食煲仔飯、火鍋，食蟹當然亦唔少得。但當我們吃下不少會嘔白泡的大閘蟹時，都係時候轉換口味，品嘗外國貨。以下介紹的酒樓是香港數一數二的海產入口商，全部海鮮都是由外國每天抵港，保證新鮮。
記者：梁佩芬
攝影：陳穎
我們甚少在香港港食到澳洲泥蟹，這種最細都重三斤的大洋洲海產，體形大小難與日本毛蟹比較，一樣少膏，但肉實且甜，煮法比毛蟹更多元化，可以蒸、炒、焗、燜。大廚設計用鹹蛋黃撈埋一齊炒，再加上辣辣哋的XO醬，有野味感覺。
你見過綠色的飯嗎？這種由雲南入口的名產，是將白米加入葉綠素變成綠香苗，若煲飯食，質地較硬又嚡口，食落更帶點竹筒味道。若做炒飯，配上南非原隻孔雀鮑魚及鮮帶子，口感又截然不同，索油關係，入口香脆又有質感。
愛爾蘭入口的八吋長蟶子，先用鯉魚熬湯，魚湯滲入蟶子，帶出其鮮味，但味道會較清淡。所以大廚再加上鮮甜又滋潤的椰子芯及鮮百合，適合入秋乾燥天氣，可以當湯飲又可當餸食。
如你覺得水汪汪的泡飯難登大雅之堂，其實只要把材料升級，一樣可以出得大場面。若在泡飯上再加工，不是一般經過油炸的傳統款式，只要用肉鬆及元貝炒到香脆，再淋上熱烘烘的龍蝦上湯，味道又截然不同。
金海點心海鮮坊
地址：灣仔軒尼詩道289號裕豐商業中心B舖地下
電話：25198386