財經及庫務局局長馬時亨自從「仙股」事件後，謝絕香港記者採訪，但會計師就例外；八方噚日又收到英國特許會計師公會嘅新聞稿，原來馬局長繼接受會計師公會訪問後，又接受咗佢哋嘅專訪，認真畀面。可能肥仔馬有心在稅制動大手術，預早「放氣球」。訪問中，馬局長除咗大談稅務及預算案問題，更表明自己唔會因仙股事件而後悔「為官」，只會向前看。
說到做官後最大的遺憾，馬局長原來覺得工作時間好長，令佢過去三個月都冇時間打心愛嘅高爾夫球，一局都未打過喎，搞到佢擔心日後唔識打波。唉，都係經濟唔好，班記者亦唔生性，納稅人更加衰，搞到局長咁惆悵，連波都冇得打，好大罪呢！
傳真︰2623-9278
電郵︰