噚日李華明現身立法會，但就嚇到記者個個彈開，皆因佢身上忽然布滿點點紅斑。原來肥仔明半年前患上怪病，腳上長出一粒粒疣，最近重生到去雙手同身上，醫生話係由過濾性病毒引起，最後要做激光手術切除啲疣。嗰位醫生都幾有幽默感，一邊做手術，一邊同肥仔明討論「二十三條」，諗住分散佢注意力，不過似乎作用不大。
呢邊廂肥仔明冇晒心機，另一邊民協嘅馮檢基就好雀躍咁向記者行家推銷佢即將出版嘅新書《實不相瞞》。本書定價都唔平，要成六十蚊，不過有折頭。內容梗係離唔開阿基嘅強項，好似政治、房屋、老人、經濟同埋醫療等。阿基都有啲緊張，怕賣得唔好。咁又係，香港人最想知有乜嘢發達捷徑，其他興趣均不大，要成暢銷書真唔容易。
（圖）李華明雙手布滿紅斑，真係好嚇人。
傳真︰2623-9278
電郵︰