美股周二晚出現回吐，杜指跌88點，收8450。形態上，杜指又再以旗形整固，似準備再向上突破。
杜指周二晚只跌88點，收市後又無特別利淡消息，趙飛雲預計港股稍跌後就會掉頭挾上，心諗只要恒指跌穿9500，在9450附近亦會追入恒指Call輪9552，點知大戶好似睇穿趙飛雲心意，恒指低開3點就迅速挾上，再猶豫多一陣，恒指已見9700，由於唔想高追9552，改為於1.67元買入5萬股品質國際（243），總算跌咗個橙執番隻桔。
今次恒指由8772低位反彈至昨日收市9804，由於升勢太急，相信並無太多散戶上到車。趙飛雲10月8日買恒指Call輪9552，總算冇錯過今次升浪，於10月16日9500水平沽貨獲利，諗住9200撈番，但恒指只見過9400水平就繼續升，見到市勢咁強，近日改為9400附近追貨，但結果亦上唔到車。
港股昨日升勢主要由電訊股及較落後的長實（001）及和黃（013）帶動，滙豐（005）雖升1元，收87.50元，但短期估計不易升破88元阻力，下一輪升勢，將由起步較慢的長實及和黃接力，因此買長實及和黃Call輪可能贏面更大，長實昨升1.50元，收53.25元，重返50日線（現處52.80元）之上，短期若突破56.50元，可反覆上試60元水平。
百富勤昨日出報告唱好長實，12個月目標價69.22元，不妨留意長實Call輪9517走勢。
趙飛雲