古天樂早前分別為台灣及泰國的雜誌拍封面照，攝影師要求他與女模擺出誘人甫士。古仔身穿LV服裝，以占士邦造型與泰籍女模合照，他還讚泰籍女模高貴。
古天樂（古仔）早前到台灣為《FHMCollection》拍照後，又去了泰國為《Hi！》雜誌拍封面照。古仔可謂豔福不淺，兩本雜誌分別請了漂亮模特兒與他一起拍照，而且他與模特兒拍照時，姿態性感撩人，令人想入非非。而兩位模特兒當中，古仔特別欣賞泰籍模特兒Sonia的高貴氣質。
古仔去泰國拍《Hi！》雜誌封面照，連助手等一行四人的機票和食宿費全由雜誌支付，而古仔亦趁工作之便，在曼谷多留幾天度假。
為泰國雜誌拍照時，古仔要化身占士邦，而泰籍模特兒Sonia就成了邦女郎。古仔穿LouisVuitton服裝拍照，他前日在電話訪問中說：「我覺得Sonia幾靚女，又有高貴氣質，所以我都幾欣賞佢。但發展感情就冇諗過，因自己工作咁忙根本冇時間發展感情。」
古仔續說：「兩本雜誌都要求我同啲模特兒做一啲比較放嘅動作，台灣嗰本雜誌就要求我同個model坐喺張梳化度，個model將隻腳擺咗喺我兩隻腳之間，佢隻玉腿重好近我嘅敏感部位，咁當然唔會掂到，但張相拍出嚟都會令人有遐想。」