讀多啲書、識多啲字，真係有着數，一個普通人睇嚟係爛銅爛鐵嘅生銹四方兜，經過專家鑑證，先至知道原來係一件無價之寶。《文匯報》連日大篇幅報道國寶「遂公須皿」發現事件，詳細講述呢件西周青銅器由香港護送返京嘅經過。
今年春季，內地文物專家喺香港古董市場發現咗呢件刻有銘文嘅「遂公須皿」，馬上將青銅器運上京師，搵青銅器專家、古文字專家鑑證，證實銘文係一篇關於大禹治水嘅政論，全球獨一無二，「遂公須皿」搖身一變而成為國寶。
發現呢件國寶嘅買手，正是前年用三千萬搶救青銅牛、虎、猴頭嘅保利集團。喺佢哋之前，都有港台專家鑑賞過「遂公須皿」，但係冇人有興趣，俾保利冷手執個熱煎堆。
（圖）「遂公須皿」原來係國寶，真係唔好以為香港冇寶。
傳真︰2623-9278
電郵︰