【本報訊】路祥安以非官員身份，助董建華會見社會人士和講解政府政策，學者認為此舉「名不正，言不順」，做法不恰當。
嶺南大學政治及社會學系副教授李彭廣指出，路祥安已離開公務員之列，若他仍代表董建華向社會人士講解政策、收集意見，便涉及身份不符的問題。他說：「佢七月已經換過班嘛，推行問責制，嗰時點解唔用路祥安呢？」
城市大學專業進修學院高級講師宋立功亦批評：「路祥安係家臣就係人都知，如果佢（路）𠵱家冇公職喺身，但代表董建華講公共政策，咁絕對係唔適當……始終政府係政府，私人家族還私人家族。」
不過，民調事件的主角、港大新聞及傳媒研究中心民意研究計劃主任鍾庭耀，則不願評論今次事件。
此外，在民調事件中，將當時港大校長鄭耀宗拉下台的港大學生會前會長張韻琪則批評：「𠵱家整個政府嘅運作都好有問題，既然推行高官問責制，點解董建華同路祥安重有啲咁嘅曖昧？唔清唔楚咁。」