謝霆鋒日前獲判社會服務令，回家翌日即急不及待擦餐勁。他日前花了一千七百元在喜記飯店叫了避風塘美食回家享用。而今年初，該店夥計在送外賣到霆鋒家時，王菲更給他一百元貼士。
謝霆鋒因為串謀妨礙司法公正罪成，於本月十六日被法庭判處二百四十小時社會服務令，可是律政司司長梁愛詩日前去信謝霆鋒案原審裁判官衞以寬，要求覆核刑期，霆鋒將會隨時再坐監。霆鋒在未判刑前，一直還押壁屋懲教所，未知在懲教所內是否無啖好食，當霆鋒回家第二晚，已急不及待叫以賣炒辣蟹著名的灣仔喜記外賣回家品嘗，滿足口腹之慾。
當晚，霆鋒的胃口不錯，共點了九款美食，分別是避風塘炒蟹、避風塘瀨尿蝦、豉椒炒蜆、豆豉鯪魚炒A菜、泥鯭粥、炒東風螺、燒鵝瀨四碗、油鹽水浸蜆和椒鹽鮮魷，合計一千七百元。喜記的老闆廖喜對於記者前晚的查詢，他說：「霆鋒好鍾意食我哋呢度嘅嘢，佢有時叫外賣，有時會一大班人嚟食，佢份人好好，冇架子。記得今年初，有夥計話送外賣時見到王菲都喺佢屋企，王菲重好大手筆畀咗一百蚊貼士，而霆鋒同王菲，重有劉嘉玲以前都一齊嚟過食嘢。」
廖喜又說：「霆鋒以前去日本宣傳時，都介紹過我哋，早排母親節，梁朝偉同劉嘉玲都有同劉嘉玲父母一齊嚟食嘢，當時梁朝偉話要小辣，劉嘉玲就要大辣，結果就食咗中辣。」
採訪、攝影：馮美茵、楊潔雯、娛樂突發組