如果問你兩個月後恒生指數係幾多，除非有水晶球，否則就算係一流分析員，也不敢說得準。八方噚日同港基銀行高層傾起，原來佢哋今年六月舉行恒指競猜遊戲，讓股票客戶猜九月十三日嘅收市點數。嗰日除咗係黑色星期五，重係接近「九一一事件」一周年，都唔係咁易估，但竟然有八個人成功估中當日的收市指數係九千六百五十點。
港基高層話最後以最先估中者勝出，結果由一位有三十幾年買賣港股經驗嘅楊先生得到冠軍。八方問呢位冠軍點解喺恒指仍在一萬零五百點水平時，已經估指數下跌？佢話係好彩，因為估咗接近三十次先至估中。佢對投資咁有心得，八方當然唔會放過機會問佢渣打同中國電信係咪值得買，佢話對前者興趣不大，中國電信則會考慮吓。
（圖右）楊先生有三十幾年買賣股票經驗，都唔可以完全靠運。
傳真︰2623-9278
電郵︰