重有唔到一個月，就係賽車迷期待已久嘅澳門格蘭披治大賽車舉行日期。亞Mark預期今屆除格蘭披治電單車同三級方程式賽車，會有一定瞄頭外，東望洋房車賽更會係歷屆以來，最具競爭性嘅一次大比拼。皆因參賽隊伍之中，除多屆盟主嘅寶馬會派出三部戰車，重有上屆冠軍車手許士文等人任爭標成員外，另外重有香港車迷熟悉嘅李萬祺會駕駛福特Focus出戰，以及近年響東望洋賽道上表現勇悍嘅標緻車隊，重有未計入嘅多名日本、香港資深車手，會以豐田Altezza、本田CivicTypeR同Integra出賽。然而，屬東望洋賽道稀客嘅意大利愛快汽車，代理會響今年派出156GTA車隊作領航及教援車輛外，難得廠方重派出最新廠隊成員嘅愛快147賽車出戰，重包括兩位意大利名車手NicolaLarini同Fabrizio，你話今年嘅澳門大賽車錯過咗係咪你嘅損失吖！