藝術無價，八方好多時唔明點解啲古董同名畫郁吓價錢都高達幾百萬，甚至幾千萬。不過，噚日睇外電就畀到八方一啲啟示，話說一幅菲律賓名畫家JuanLuna作品《ParisianLife（巴黎生活）》，將於今個禮拜日在香港佳士得拍賣會作公開拍賣，但係該畫原來擁有人、一名年近百歲嘅菲籍老婦Nakpil就要求禁止公開拍賣。
該名老婦表示，擺放於祖屋中嘅名畫已有過百年歷史，只係俾住喺祖屋嘅姪兒借咗，諗唔到竟然會借咗去香港嘅拍賣會作公開拍賣，估價重高達二百萬港元㖭。由於幅畫記述菲律賓國父JoseRizal回國發動革命前於巴黎生活嘅情境，可以話係國寶級作品，佳士得嘅朋友同八方講正處理事件，未知會唔會攞出嚟拍賣。
（圖）佳士得下周日拍賣嘅菲律賓名畫《巴黎生活》，可能未能如期公開競投。
傳真︰2623-9278
電郵︰