繼WiLLVi及WiLLVS之後，日本豐田車廠又推出一款全新嘅WiLLCypha車系，此車不但造型獨特富吸引力，車上設備又見先進易用，相信又會再掀起新一輪搶購潮。
全新WiLLCypha嘅造型設計，與當年曾在東京車展上展出嘅概念型號十分相近，頭燈以直立式編排出現，加上有頗高嘅照射率，就算響晚間行車仍有充足照明度，而車尾線條重帶有點WiLLVi及WiLLVS嘅影子㖭！至於車廂方面，不但空間寬敞闊落設備齊全，用家更可透過先進嘅G-BOOK系統，得悉最新路面資訊，以及收發E-Mail等等，用落重好方便。然而，廠方為WiLLCypha安排有一台1.3公升（兩驅版），及1.5公升（四驅版）供選擇，匹配4前速自動波箱，從而讓引擎發揮得淋璃盡致。未知本港各大獨立車行，有無興趣將之引入呢？