時富投資（1049）本來話私有化時富金融（8122），但停牌搞完一大輪之後，終於又話取消。
年輕賓架話，傳聞因為監管當局有微言，以致計劃泡湯。事件可能因為監管機構覺得，時富金融分拆上市唔夠兩年，又再進行私有化，加上傳聞私有化作價唔靚，所以問長問短，故幕後決定取消。
年輕賓架又話，初時聽到呢單私有化計劃，佢都覺得有啲奇怪，因有投資銀行一早已收到委託，時富金融想出售證券經紀生意，可以連上市隻殼或唔連殼賣。其實曾有好幾間規模相當的同業睇過時富金融盤數，但通通嫌叫價太高，原來賣價要成億銀咁多。
至於唔係呢行嘅買家，則唔容易睇得明盤數，所以搞咗好耐都唔成事，但睇怕今次私有化不成，應該有其他動作跟尾。時富投資及時富金融噚日復牌，股價全無變動，前者收50仙，後者收21仙。
慕容小初