眨吓眼就兩年，大教授張五常在本報財經版連載之《經濟解釋》，今日係最後一期。兩年前喺薄扶林教授屋企同佢傾寫呢個專欄之情景，八方仍歷歷在目。
在一張大眾化報章，連載如此嚴肅的學術巨著，《蘋果》可算創先河；無論點，都係成就咗一件事。噚日同大教授通電話，佢話事前都估唔到咁成功，雖然寫得好辛苦，但就好滿意，兩年間將平生所學寫晒出嚟，對自己、對老師都係一個交代。教授話好多謝《蘋果》；其實《蘋果》多謝佢至真。
《經濟解釋》嘅文章，會結集成三本書，首兩本已出版，第三卷月底面世；頭兩卷分別賣咗近萬四本及八千本，銷情勁過《賣桔者言》呢。
傳真︰2623-9278
電郵︰