民主黨主席人選終於塵埃落定!八方收到民主黨內線人士報料,原來楊森(圖)剛剛喺上星期六搞咗個鴻門宴,出席全部係猛料人士,除咗新三頭馬車中,兩「巨頭」李永達同何俊仁外,重有前滙點,即係𠵱家新力量網絡兩位「龍頭」盧子健同張炳良、黨團召集人張文光、前司庫馮煒光等,席間主要傾主席同副主席人選問題。
線人話達仔講嘢一向係認真,到𠵱家佢仍然唔願接棒,而為免何俊仁將民主黨會議同保釣、對日索償等會議搞亂,何俊仁唔係好啱做主席;咁睇嚟睇去,又覺得楊森變成最適合!
話就話鴻門宴原則上定咗楊森做主席,但據知佢都有好多考慮,而且黨內重有人想游說達仔做主席,睇怕重會有暗湧,睇吓說客夠唔夠牙力!
傳真︰2623-9278
電郵︰