八方嘅同事返工，多數喺將軍澳調景嶺搭公司車，理論上雖然上車要出示證件，不過壹．蘋果大樓去到無雷公咁遠，邊有非員工會咁得閒博懵上車，所以一直都冇嚴格執行查證件。不過八方呢兩日返公司，忽然覺得保安嚴密咗好多，上車俾司機大佬要求出示證件，重以為佢講笑，後來先知事出有因。
原來今個月十一號，有個人上咗調景嶺嘅《蘋果》公司車，去到壹．蘋果大樓，揸住本《壹週刊》講關於砵蘭街嘅古仔要求見老總，結果擾攘到最後，要報警先可以請走佢。可能有呢次事件，加上台灣《壹週刊》之前又受到暴力報復，所以公司即刻將保安戒備升級，上車必定嚴查證件，唔記得帶就要登記。有人講笑話，《蘋果》都學人反恐乎？
傳真︰2623-9278
電郵︰