普藝拍賣有限公司喺嚟緊嘅星期六拍賣四百多件珍品，估價由幾百蚊到十五萬。
八方噚日去睇過啲珍品，發現有唔少名人嘅信札，最印象深刻嘅係「四人幫」之一嘅張春橋，原來佢啲字都寫得唔錯，瀟灑之餘亦有幾分霸氣，雖然當年咁威，但係佢寫嘅信攞出嚟拍賣，底價只值一百蚊。封信係張春橋寫畀北京最高人民監察院嘅，內容大致係講佢派人調查一個姓梁嘅人，要求該院提供有關記錄予以求證云云。
除咗佢之外，宋慶齡、蔡元培、彭德懷、葉選平、齊白石、徐悲鴻、郭沫若等嘅信札都有得拍賣，拍賣行負責人話，呢啲信札全部以一百蚊底價拍賣，希望可以畀收藏者以平價買到心頭好。
（圖）四人幫之一嘅張春橋（左）同其他名人的信札，都以一百元底價拍賣。
傳真︰2623-9278
電郵︰