重獲自由不久的謝霆鋒，需面對覆核刑期，令他身邊的友人大感驚訝，昨日紛紛出言力撐霆鋒。
陳奕迅 ：我冇意見，唔講嘢比較好。霆鋒屋企樓下咁多記者，佢梗係唔出街，我都唔敢去啦！搞到我哋就嚟分手呀。
謝偉俊 ：今次係畀機會個官再考慮清楚，可能會對霆鋒不利，長遠嚟講佢入去坐一段時間當還債都係一件好事。
陳小春 ：我冇覺得判刑太輕，只可以講傳媒駕馭咗政府，判決可以返轉頭，我作為一個市民，就有咁嘅睇法。我係佢（謝霆鋒）都好辛苦，個司機同警察都辛苦啦！香港法制唔公平。
車婉婉 ：我唔覺得要覆核，判咗就判咗，香港法律制度唔係好完善咩？咁多枝節，驚人哋受得唔夠呀？等我重以為鬆一大口氣。
鍾欣桐 ：幸運嘅人自然會幸運，願主祝福霆鋒啦！
黃玉郎 ：我覺得當初嘅判決已經足夠，法律係畀人改過自新，唔一定要人坐監，要霆鋒做二百四十小時服務令可能好過佢喺入邊坐。
梁漢文 ：我call佢又唔覆，相信霆鋒會冇事嘅，最難捱嘅佢都捱過咗啦，應該冇事嘅。